ພາກວິຊາ ວິສະວະກຳ ຄອມພີວເຕີ ແລະ ເຕັກໂນໂລຊີຂໍ້ມູນຂ່າວສານ ເປີດຮັບນັກສຶກສາປະລິນຍາໂທ ປະຈຳປີ 2017

 poster master2017

 

 

 

ພາກວິຊາ ວິສະວະກຳ ຄອມພີວເຕີ ແລະ ເຕັກໂນໂລຊີຂໍ້ມູນຂ່າວສານ ເປີດກອງປະຊຸມປຶກສາຫາລືການຮຽນການສອນພາຍໃນພາກວິຊາເພື່ອ ກຽມຄວາມພ້ອມໃນພາກຮຽນໃໝ່ທີ່ກຳລັງຈະເປີດຂຶ້ນ

 IMG 4122

IMG 4124

 

 

      ພາກວິຊາວິສະວະກຳຄອມພີວເຕີ ແລະ ເຕັກໂນໂລຊີຂໍ້ມູນຂ່າວສານ ໄດ້ເປີດກອງປະຊຸມ ປຶກສາຫາລືວຽກງານ ວິຊາການ ແລະ ວຽກງານບໍລິຫານ ພາຍໃນພາກວິຊາ ໃນວັນຈັນ 31 ສິງຫາ ປີ ຄສ. 2015 ເພື່ອກຽມຄວາມພ້ອມ ເປີດສົກຮຽນໃໝ່ ທີ່ຈະເລີ່ມຕົ້ນຂຶ້ນ ໃນວັນອັງຄານ ທີ 1 ເດືອນ ກັນຍາ ປີ 2015 ທີ່ຈະມາເຖິງນີ້, ໂດຍເປັນປະທານກອງປະຊຸມຂອງທ່ານ ອາຈານ ສົມພອນ ກັນທະວົງ ຫົວໜ້າພາກວິຊາ ແລະ ມີບັນດາອາຈານ ແລະ ພະນັກງານ ພາຍໃນພາກວິຊາ ເຂົ້າຮ່ວມທັງໝົດ 29 ຄົນ ໂດຍໄດ້ ສະຫຼຸບ ຈຸດດີ ຈຸດອ່ອນ ຖອດຖອນບົດຮຽນ ແລະ ໄດ້ປຶກສາຫາລື ເພື່ອປັບປຸງ ຄຸນນະພາບ ການຮຽນ ການສອນ ໃຫ້ດີຂຶ້ນເທື່ອລະກ້າວ.

      ທ່ານ ອາຈານ ສົມພອນ ກັນທະວົງ ປະທານກອງປະຊຸມ ໄດ້ໂອ້ລົມວຽກງານການເມືອງແນວຄິດ ໃຫ້ມີສະຕິຕໍ່ການຈັດຕັ້ງ ມີຄວາມຮັບຜິດຊອບ ວຽກງານທີ່ທາງຂັ້ນເທິງມອບໝາຍໃຫ້ ພ້ອມກັນນັ້ນ ກອງປະຊຸມ ກໍ່ຍັງໄດ້ສະຫຼຸບ ແລະ ຖອດຖອນບົດຮຽນ ໃນປີຜ່ານມາ ປຶກສາຫາລື ວຽກງານວິຊາການ ປະເມີນຜົນ ການຮຽນ ການສອນ ແລະ ວຽກງານບໍລິຫານ ຂອງພາກວິຊາ ກອງປະຊຸມໄດ້ດຳເນີນເປັນເວລາ 1 ວັນເຕັມ ເວລາ 4 ໂມງແລງ ກອງປະຊຸມຈຶ່ງໄດ້ອັດລົງດ້ວຍຄວາມສຳເລັດເປັນຢ່າງດີ.

====================================================================

 

 

ພາກວິຊາ ວິສະວະກຳ ຄອມພີວເຕີ ແລະ ເຕັກໂນໂລຊີຂໍ້ມູນຂ່າວສານ ຈັດພິທີສະຫຼຸບ ມອບຮັບໃບຢັ້ງຢືນ ການຝຶກອົບຮົມ ໄລຍະສັ້ນ ໃຫ້ກັບນັກສຳມະນາກອນ ຈາກກະຊວງ ປ້ອງກັນຄວາມສະຫງົບ ເພື່ອສ້າງຄວາມເຂັ້ມແຂງໃຫ້ກັບກຳລັງຂອງກະຊວງ

 

 DSC 0145

DSC 0118

DSC 0145 DSC 0099

 

ໃນວັນສຸກທີ 14 ສິງຫາ ປີ ຄສ. 2015 ພາກວິຊາວິສະວະກຳຄອມພີວເຕີ ແລະ ເຕັກໂນໂລຊີຂໍ້ມູນຂ່າວສານ ໄດ້ຈັດພິທີ ສະຫຼຸບ ແລະ ມອບຮັບໃບຢັ້ງຢືນໃຫ້ກັບນັກສຳມະນາກອນ ຈາກກະຊວງ ປ້ອງກັນຄວາມສະຫົງບ  ເປັນກຽດມອບໃບຢັ້ງຢືນໂດຍທ່ານ ຮສ. ດຣ ຄຳຜຸຍ ສຸດທິສົມບັດ ຮອງຄະນະບໍດີ ຄະນະວິສະວະກຳສາດ ມະຫາວິທະຍາໄລແຫ່ງຊາດ ແລະ ໃຫ້ກຽດຕາງໜ້າເຂົ້າຮ່ວມ ຈາກທາງກະຊວງ ປ້ອງກັນຄວາມສະຫງົບ ໂດຍທ່ານ ພັນເອກ ຄຳເຜີຍ ສອນໄຊສິດທິເດດ ຮອງກົມ 509.

ການຝຶກອົບຮົມໃນ ຊຸດນີ້ໄດ້ດຳເນີນການສຳເລັດໄປທັງໝົດ 3 ໝວດສາຂາວິຊາ ແລະ 17 ຫຼັກສູດຄື:

      ໝວດຖານຂໍ້ມູນ 4 ຫຼັກສູດ

  1. Oracle 11g: SQL Fundamental 1
  2. Database Administration 1
  3. Database Administration 2
  4. MySQL

     ໝວດວິສະວະກຳຊອບແວ໌ 6 ຫຼັກສູດ

  1. Web Design
  2. Web Application
  3. Matlab
  4. Image Processing
  5. JAVA1A
  6. JAVA1B

     ໝວດເຄືອຂ່າຍຄອມພີວເຕີ 7 ຫຼັກສູດ

  1. CCNA D1
  2. CCNA D2
  3. CCNA D3
  4. CCNA D4
  5. Information Security
  6. Linux Fundamental
  7. Linux Server Administration

ເຊິ່ງຜົນຂອງການຝຶກອົບຮົມໄດ້ດຳເນີນມາຕັ້ງແຕ່ເດືອນ ພະຈິກ ປີ ຄສ. 2014 ເຖິງ ເດືອນ ກໍລະກົດ ປີ ຄສ. 2015 ລວມທັງໝົດ 9 ເດືອນ ໂດຍມີນັກສຳມະນາກອນເຂົ້າຮ່ວມຊຸດຝຶກອົບຮົມໄລຍະສັ້ນທັງໝົດ 24 ທ່ານ.

ການຝຶກອົບຮົມໃນຄັ້ງນີ້ແມ່ນມີຈຸດປະສົງເພື່ອຍົກລະດັບຄວາມຮູ້ຄວາມສາມາດໃຫ້ກັບກອງກຳລັງທີ່ຢູ່ໃນກະຊວງ ປ້ອງກັນຄວາມສະຫງົບເພື່ອກຽມພ້ອມເຂົ້າໃນໂຄງການ ຄຸ້ມຄອງພົນລະເມືອງດ້ວຍລະບົບທັນສະໄໝທັງ ສາມດ້ານຄື ການຈັດການລະບົບຖານຂໍ້ມູນ, ການພັດທະນາຊອບແວ໌ ແລະ ລະບົບເຄືອຂ່າຍຄອມພີວເຕີ.

====================================================================

 

ທະນາຄານພັດທະນາອາຊີ(ເອດີບີ) ສຳນັກງານປະຈຳ ສ.ປ.ປ ລາວ ໄດ້ມອບ ເຄື່ອງອຸປະກອນໄອທີທີ່ໃຊ້ງານແລ້ວຍັງສະພາບດີ ໃຫ້ກັບພາກວິຊາ ວິສະວະກຳຄອມພີວເຕີ ແລະ ເຕັກໂນໂລຊີຂໍ້ມູນ ຂ່າວສານເພື່ອນຳໃຊ້ເຂົ້າ ໃຫ້ວຽກງານການສຶກສາ.

 

 

DSC 0045

DSC 0029 DSC 0035
DSC 0055 DSC 0056


ການມອບຮັບໃນຄັ້ງນີ້ຈັດຂຶ້ນໃນວັນທີ 12-8-2015 ຕາງໜ້າມອບໂດຍ ທ່ານນາງ ແຊນດຣາ ນິກໂຄ ຜູ້ຕາງໜ້າ ທະນາຄານ ພັດທະນາອາຊີ (ເອດີບີ) ໃຫ້ກັບ ພາກວິຊາ ວິສະວະກຳຄອມພີວເຕີ ແລະ ເຕັກໂນໂລຊີ ຂໍ້ມູນຂ່າວສານ ໂດຍຕາງໜ້າຮັບແມ່ນ ທ່ານ ອາຈານ ສົມພອນ ກັນທະວົງ (ຫົວໜ້າພາກວິຊາ) ຮັບເອົາເຄື່ອງດັ່ງກ່າວ, ເຊິ່ງການມອບຮັບຄັ້ງນີ້ ມີພະນັກງານຈາກທະນາຄານ ພັດທະນາອາຊີ ແລະ ອາຈານສອນ ຈາກພາກວິຊາ ວິສະວະກຳ ຄອມພີວເຕີ ແລະ ເຕັກໂນໂລຊີ ຂໍ້ມູນຂ່າວສານ ກໍ່ໄດ້ເຂົ້າຮ່ວມ ເປັນສັກຂີພິຍານດ້ວຍ.

ເຄື່ອງທີ່ມອບຮັບຄັ້ງນີ້ປະກອບມີ ເຊີເວິ 2 ໜ່ວຍ, ເຄື່ອງພິມ, ຄອມພິວເຕີ(ຊີພີຢູ), ຈໍແອລ໌ຊີດີ, ໂປຣເຈັກເຕີ, ຄີບອສ໌, ເມົ້າ ແລະ ຢູພີເອສ໌ ລວມທັງໝົດເປັນຈຳນວນ 110 ລາຍການ.

 

 

 

 

====================================================================

  ພາກວິຊາ ວິສະວະກຳຄອມພິວເຕີ ແລະ ເຕັກໂນໂລຊີຂໍ້ມູນຂ່າວສານ

ໄດ້ເປີດພິທີປ້ອງກັນ ບົດໂຄງການຈົບຊັ້ນຂອງນັກສືກສາ ປະລິນຍາຕີ

ລຸ້ນທີ VIໃນຄັ້ງວັນທີ 29 ມີຖຸນາ - 03 ກໍລະກົດ ຄ.ສ 2015

 

11742671 1457813417874457 9038804495713128399 n

 

11745482 1457815311207601 7965118498070401140 n

   ໃນວັນທີ 29 ມີຖຸນາ ຄ.ສ. 2015 ພາກວິຊາຄອມພິວເຕີ ແລະ ເຕັກໂນໂລຊີຂໍ້ມູນຂ່າວສານ ໄດ້ຈັດການປອ້ງກັນບົດ ໂຄງການຈົບຊັ້ນຂອງນັກສຶກສາລະດັບປະລິນຍາຕີຂຶ້ນເປັນຄັ້ງທີ VI ໂດຍມີຄະນະກໍາມະການ, ອາຈານທີ່ປຶກສາ, ນັກສຶກສາລຸ້ນນ້ອງ ແລະ ແຂກຈາກພາກສ່ວນພາຍນອກໄດ້ເຂົ້າຮວ່ມພິທີດັ່ງກ່າວ.
      ນັກສຶກສາທີ່ປ້ອງກັນບົດຈົບຊັ້ນທັງໝົດລວມມີ 230 ຄົນ ເຊິ່ງແບ່ງເປັນ 74 ກຸ່ມ. ໃນນັ້ນນັກສຶກສາຫຼັກສູດ 5 ປີ
ມີຢູ່ 27 ກຸ່ມ,ແບ່ງອອກເປັນນັກສຶກສາຈາກຂະແໜງຄອມພິວເຕີຈຳນວນ 8 ກຸ່ມ ແລະ ຂະແໜງໄອທີ 18 ກຸ່ມສຳລັບນັກສຶກສາຫຼັກສູດ 4 ປີ ມີນັກສຶກສາທັງໝົດ 45 ກຸ່ມ, ໃນນັ້ນມີນັກສຶກສາຂະແໜງຄອມພິວເຕີ 8 ກຸ່ມ ແລະ ຂະແໜງໄອທີ 39 ກຸ່ມ.
   ການປ້ອງກັນບົດໂຄງການຈົບຊັ້ນໃນຄັ້ງນີ້ແມ່ນດຳເນີນໄປຕາມແຜນໂດຍໃຊ້ເວລາທັງໝົດ 5 ມື້ (ນັບຕັ້ງແຕ່ວັນທີ 29 ມີຖຸນາ ຄ.ສ 2015 ເຖິງ ວັນທີ 3 ກໍລະກົດ ຄ.ສ 2015)

 

====================================================================

ກອງປະຊຸມປັບປຸງຫຼັກສູດປະລິນຍາຕີ ( ຕໍ່ເນື່ອງ )

 

11742978 1457806661208466 6867736539019443695 n

11751944 1457808054541660 887496263267172668 n

    ສາຂາວິສະວະກໍາຄອມພິວເຕີ ແລະ ເຕັກໂນໂລຊີຂໍ້ມູນຂ່າວສານ
         ຄັ້ງວັນທີ່ 17 ມີຖຸນາ 2015,  ກອງປະຊຸມຈັດຂື້ນເພື່ອປຶກສາຫາລືກ່ຽວກັບການປັບປຸງຫຼັກສູດປະລິນຍາຕີ(ຕໍ່ເນື່ອງ) ເຊິ່ງລວມມີຫຼາຍພາກສວ່ນຈາກຄະນະວິສະວະກຳສາດພ້ອມທັງໄດ້ເຊີນຫຼາຍສະຖາບັນຈາກທັງເອກກະຊົນເຂົ້າຮວ່ມກອງປະຊຸມ. ພາຍໃນກອງປະຊຸມດັ່ງກ່າວມີແຂກທີ່ເຂົ້າຮ່ວມກອງປະຊຸມທັງໝົດ 30 ທ່່ານກວ່າຄົນ.