ພາກວິສະວະກຳຄອມພິວເຕີ ແລະ ເນັກໂນໂລຊີຂໍ້ມູນຂ່າວສານ ໄດ້ຈັດພິທີສະເຫຼີມສະຫຼອງ ວັນຄູແຫ່ງຊາດທີ 7ຕຸລາ ຄົບຮອບ 24ປີ.

     ເຊິ່ງໄດ້ຈັດຂື້ນໃນວັນທີ 5ຕຸລາ 2018 ທີ່ຫ້ອງ A308ເວລາ 13:00-15:20.  ພາຍໃນງານໄດ້ມີການກ່າວເຖິງປະຫວັດຄວາມເປັນມາຂອງວັນຄູແຫ່ງຊາດ-ການໃຫ້ຄຳໂອວາດ ໂດຍ ຮສ. ທາ ບຸນທາ ແລະ ມີຕົວແທນນັກສຶກສາໄດ້ຂື້ນຮັບເອົາຄຳໂອວາດ ແລະ ໄດ້ກ່າວສານອວຍພອນວັນຄູ ແລະ ຍັງມີ ການສະແດງທີ່ໜ້າຕື່ນຕາຕື່ນໃຈຈາກນັກສຶກສາ ທັງ ປີ2, ປີ3 ແລະ ປີ4 ຂອງພາກວິຊາ ວິສະວະກຳຄອມພິວເຕີ ແລະ ເຕັກໂນໂລຊີຂໍ້ມູນຂ່າວສານ.

• ພາບບັນຍາກາດ ໃນພິທີສະເຫຼີມສະຫຼອງ ວັນຄູແຫ່ງຊາດທີ 7ຕຸລາ 

ປະກາດຜົນການສອບເສັງຄັດເລືອກເຂົ້າສຶກສາປະລິນຍາໂທໄອທີປະຈຳປີ 2018

ອອກແຮງງານສະເຫຼີມສະຫຼອງວັນຄູແຫ່ງຊາດ ປະຈຳປີ 2018

ພາກວິຊາ ວິສະວະກຳຄອມພິວເຕີ ແລະ ເຕັກໂນໂລຊີຂໍ້ມູນຂ່າວສານ ໄດ້ມີການຈັດຂະບວນອອກແຮງງານ ເພື່ອຂ່ຳນັບຮັບຕ້ອນວັນຄູແຫ່ງຊາດທີ 7 ຕຸລາ ຄົບຮອບ 24ປີ(7 ຕຸລາ 1994 - 7 ຕຸລາ 2018) ທີ່ຈະມາເຖິງນີ້.

ໃນເຊົ້າຂອງວັນເສົາທີ 29 ກັນຍາ 2018, ນັກສຶກສາທັງປີ 2, 3 ແລະ ປີ4 ຂອງພາກວິຊາວິສະວະກຳຄອມພິວເຕີ ແລະ ເຕັກໂນໂລຊີຂໍ້ມູນຂ່າວສານ ໄດ້ພາກັນມາເຕົ້າໂຮມກັນຈັດຂະບວນການອອກແຮງງານອະນາໄມ ພາຍໃຕ້ການນຳພາຂອງຄູອາຈານ ໃນເຂດຮັບຜິດຊອບຂອງຕົນເອງ ເພື່ອຂ່ຳນັບຮັບຕ້ອນວັນຄູແຫ່ງຊາດທີ 7 ຕຸລາ ຢ່າງຟົດຟື້ນ.